7.29.2009

速報!環球小姐09 partI

環球小姐09就快開鑼啦,今年的主辦國是加勒比海小國巴哈馬,來自世界各地共84位佳麗將於今個周末,陸逐抵達其首府拿索的Atlantis Paradise Island!

本屆環姐的決賽日期鐵定為8月23日,換言之佳麗們將會參與近3個星期的活動。要應付頻繁的活動,靚衫當然一件也不能少,又民族服裝又晚裝又泳裝又causal衫,真是衫衫不盡!到目前的階段為止,相信各佳麗的戰衣已搞得八八九九了..

以日本小姐主辦大會為例,早前就特別舉行了記者會,展示本屆代表宮坂絵美里出戰環姐的民族服裝!這套民族服裝基本上是由傳統和服改良而成,設計極之大膽暴露之餘,更帶點SM feel。以這襲服裝登陸環姐舞台,屆時必定成焦點,引起哄動!

其實近年參加環姐的日本代表都是走偏鋒路線,永遠都是 “衫不驚人誓不休”,總之就要睇到你眼都凸埋!而負責度橋的正是環姐日本大會掌舵人Ines Ligron。這位年過半百的女士來自法蘭西,21歲就已經開設自己的美容院及spa,其後更慢慢染指時裝界。95年,Ines更成為IMG模特兒公司的亞太區主席,並駐守於香港。在任期間經她一手引入亞洲的超模包括有:Tyra Banks、Milla Jovovich及Liv Tyler等等。98年,環姐大會主席Donald Trump委任了Ines為環姐日本大會的national director。接手後她銳意改革,獲獎的佳麗不需要靚,但一定要有型格,因為她們均會被包裝成一個出得舞台行得天橋的超級模特兒!而參選服裝上更刻意偏離正軌,例如晚裝會配bra top或穿長boot。這種大無畏精神果然為日本小姐殺出一條血路,03年以來已經成就了一個環姐冠軍、一個亞軍、一個5強及一個前15強佳麗,成為亞洲區的power house。而獲獎的佳麗在卸任後大多也能化身出色的runway model或平面model,事業非常順利。亦因為越搞越出色,環姐日本大會現時已得到多個國際時裝品牌的贊助,所以每年的日本小姐都一箱箱靚衫搬去參選架!

03年的宮崎京,當年的鑽石bra top晚裝受到全球選美迷及時裝界人士激讚。宮崎京最後獲得第5名,成為88年以來最好成績的日本小姐 06年獲選亞軍的知花紅麗就是以這套極具創意的性感忍者裝奪得最佳民族服裝獎
當年的參選晚裝;知花紅麗現在是國內很受注目的模特兒,經常成為品牌代言人及雜誌封面女郎
07年的森理世成為日本48年來首位環姐冠軍,當年她身穿的這件參選晚裝是由Gucci贊助的
去年卸任時森理世竟穿了一套踢死兔,掀起談論話題
08年日本小姐美馬寬子挑選了D&G的晚裝作為戰衣
今年日本代表宮坂絵美里身穿民族服裝現身記招,全場嘩然
這套民族服裝也應該適合周秀娜喎
日本網民的評價就好壞參半,香港的網友又覺得如何呢?個人就認為有點為wow而wow
日本大會同時發放了宮坂絵美里的一些全新造型照
其實港姐行這條路得唔得呢

7.28.2009

遊船河

拜六我去了N年來第一次船河!
其實從不抗拒“船河”這種活動,
不過又硬係唔知點解成日撞唔啱時間,
今次終於湊啱腳兼時間夾啦..

9點鐘已經要在中環碼頭集合,等船之制,個個都未瞓醒咁
船來啦喂!今次原來租了隻中式船.. 得知著返件旗袍上船
開船啦.. 回望港島,成舊大雲喺頂,希望去到西貢不會落雨啦
友人BC帶了她的狗狗Miffy上船,聽聞它好熟水性架喎
大家有無覺得帶墨鏡睇報紙的女生好似一位近年的港姐呢?
哇.. 開船不久經已陽光普照,個個都急不及待剝衫曬個飽
大概個多小時左右已到達目的地:西貢的白石!大家可以落水啦.. 狗狗Miffy都換上泳裝 (實情是救生衣) 落水!原來Miffy真是好熟水性,一落水就用狗仔式猛 游,勁快
雖然成班人都一把年紀,但一玩起就變晒低能仔,we wa鬼叫.. 玩張水床都玩了個幾鐘
玩完一輪要吃午餐啦.. 今日船河中有蠔店老闆,多謝他私人贊助了一大箱cavia.. 游完水吃混入海水的cavia,very骨
一人起碼有兩隻,唔駛爭喎各位
當日所見有好多遊艇泊在附近,最近那一隻還要是成船外籍model添
名乎其實的落水狗 – Miffy
玩到大概3點半左右開始回程啦.. 大家瞓晒在船頂.. 望上天風雲驟變,好美的一個畫面 (ipod正播著憶蓮的戀愛在不遠處等我)
繼續笑看風雲變
雖然勁補sun block,但我都tanned了很多.. 熱烈期待下一次船河呢

7.26.2009

速報!香港先生09 (結果公佈)

尋晚在家中搞了個香港先生09高清夜,
一班人we wa鬼邊睇邊叫邊食邊笑,好開心!

香港先生09結果跟預測差不多,
賽前被視為黑馬的7號許家傑,
先奪盛年組冠軍,然後再成為總冠軍,
他將會代表香港於9月份到首爾,
參加世界先生09競選!
許家傑現年25歲,身高5’11.5”,是一位審計員。
而少年組冠軍就由賽前大熱1號陳偉洪在零對手下勝出。

以下是12位參賽者的簡評:
1號陳偉洪 – 今屆票王,樣貌身材身高絕對是全場最掂,可惜輸在得18歲,一開口就暴露了弱點,女評判登時扣分。

2號鄭鴻明 – 樣貌其實ok,但無乜身材,頭髮被水一淋,更變了清裝,笑爆!加上係唔係都單眼放電,票數一直處於低位。

3號陳子仁 – 三個字:未.. 發.. 育!咁都可以進級只能嘆一句,少年組質素實在衰。

4號鄭智健 – 男人之家彈豎琴本來幾有睇頭,但其他方面又確實幾難令人投佢一票。

5號田學維 - 必殺技是一邊畫MJ一邊唱MJ (的歌),普通到離譜,識飛車甩尾飄移的應該去參加賽車。

6號鄭子揚 – 那排朱古力腹肌加hip-hop舞技都幫不了成副super MK look。

7號李家傑 – 我覺得佢好似有線的區永權!已有4年社交舞經驗的他,在必殺技中大跳拉丁舞,舞姿瀟洒流麗,再加上其他各方面都表現平均,所以唔聲唔聲成為本年冠軍。

8號李偉健 – 本身是一位健身教練,身型無疑最fit,但一穿起衣服馬上變得無頸,真是唔怕被人“吭”頸劏死牛!他跟6號一樣,感覺好MK,能夠入3甲,絕對是有賺。

9號林建邦 – 好長!身長、面長、手長、腳長,但無咩專長!必殺技又表現得論論盡盡,難怪第一次投票得慘不忍睹的.. 4大票。

10號吳雲甫 – 橫睇掂睇,齋計樣,他都是最靚的一個,在一屆咁弱雞的情況下連盛年組4強也不入,票數更低得驚人,真陰功。不過依尋晚睇,作為一個有相當幕前演出經驗的男生來說,表現又的確悶蛋,全程笑容欠奉,四肢崩緊,相信是飲恨出局的原因。

11號郭田葰 – 他正好體現了一個香港現象:港人愛騎呢!唔駛叻唔駛靚,總之夠騎呢就有市場!我估,那些評判投他一票是基於想繼續有得笑而已,並不是真心覺得他“好”!要不然怎會投一個唱歌走音、說話似八婆、身型似啤梨同個樣似醜版陳司翰x森森嗰仔的參賽者先?

12號呂庭鋒 – 副尊容真是.. 哇……………………………………………

一拍埋,陳偉洪真是好啲架
1號陳偉洪泳裝登場,相信電視機前有很多觀眾即是噴血
7號李家傑勝在“平均”
8號李偉健被水淋濕後點解唔撥下頭髮呀,搞到自己嗰咁惹笑
9號林建邦在必殺技環節中失手,差點整個人飛了落台
10號吳雲甫的落選令不少人大跌眼鏡
騎呢of the騎呢,11號郭田葰
濕了頭的12號呂庭鋒好樣了少少
今屆港生的泳褲太大條啦下嘛,好似阿婆底底
昨晚其中一個高潮是9位前港生赤膊登場,頓時將應屆參賽者比下去

7.25.2009

速報!香港先生09 part II

今屆港姐質素全線媽叉,
港生也唔好得幾多,
比起去年真是天堂與地獄!
究竟今年繼續由盛年組問鼎冠軍,
抑或由少年組威返次呢?
不如就趁今晚開騷前,
由各網友一人一留言選出少年組、
盛年組及全場總冠軍啦~
各位香港先生09泳裝秀開始!


少年組1號陳偉洪 Calvin Chan;年齡:18歲;身高:5’11.75”
年組2號鄭鴻明 Anthony Cheng;年齡:22歲;身高:5’7.5”
少年組3號陳子仁 Chan Tze Yan;年齡:22歲;身高:5’6.5”
少年組4號鄭智健 Keith Cheng;年齡:22歲;身高:5’8”
盛年組5號田學維 Clement Tin年齡:24歲;身高:6’1”
盛年組6號鄭子揚 Jason Cheng;年齡:24歲;身高:5’9”
盛年組7號李家傑 Jack Hui;年齡:25歲;身高:5’11.5”
盛年組8號李偉健 Kim Lee;年齡:30歲;身高:5’10.5”
盛年組9號林建邦 Dominic Lam;年齡:24歲;身高:6’1”
盛年組10號吳雲甫 Aurelien Ng;年齡:27歲;身高:5’11”
盛年組11號郭田葰 Marcus Kwok;年齡:28歲;身高:5’11.5”
盛年組12號呂庭鋒 Raymond Lui;年齡:26歲;身高:5’8”
1 - 4號
5 - 8號
9 -12號
12位侯選港生誰勝誰負今晚自有分曉