10.31.2009

Oricon榜單 - 10/28

因事忙,脫榜數期,請見諒!

今週細碟榜走勢,10大中有8張新上榜細碟!

冠軍:AKB48 - RIVER


亞軍:AAA - Hide~away


季軍:平井堅 - 僕は君に恋をする


第5位:シェリル・ノーム starring May’n - pink monsoon


第6位:西野カナ - もっと...


第8位:平沢憂(Lovely Sister LOVE) - 「けいおん!」イメージソング 


第9位:真鍋和(藤東知夏) - 「けいおん!」イメージソング 真鍋和(Coolly Hotty Tension Hi!!)


第10位:北神未海(CV小川真奈)with MM学園合唱部,MM3(東條潮・西崎青・南雲波人)- 大好きになれっ!/こころ 君に届け


而大碟榜方面就只有4張初入榜專輯!

冠軍:GLAY - THE GREAT VACATION Vol.2 ~SUPER BEST OF GLAY~

《THE GREAT VACATION Vol.2 ~SUPER BEST OF GLAY~》收錄曲 - 真夏の扉


亞軍:ヘキサゴンオールスターズ - WE LOVEヘキサゴ 2009
《WE LOVEヘキサゴ 2009 》收錄曲 - 泣いてもいいですか 


第5位:SCANDAL - BEST SCANDAL

第8位:オムニバス - くるり鶏びゅ~と

10.30.2009

長期組約

從沒想過他真的會簽長約,
背後原因不多說了,
總之就算到這一刻我也不太.. 接受..
哈哈!

青介對我來說有多重身份,
是學兄、是朋友、是mentor、是舊同事!
有今時今日都是多得他介紹在下到CR見工~

前晚的婚宴除了是一對新人的家人及朋友聚會外,
也彷如是聖祖舊生聯盟及CR台慶,
所以吃到半路中途我已開始四圍騰跟各路英雄談談近況,
幾乎忙過新郎新娘呀~

最後借敝卜謹祝一對新人永遠幸幸福福,
日日開懷大笑,繼續拗到天荒地老!

我是屬於18號檯
事前又話唔講嘢,但終於都一輪咀死講
席間播放了下午在教堂行禮的場面
青介與前BMG舊同事
左起 - HW/朱薰/Fun/麻利亞
大家可能太耐無見林夕,所以當晚他成為了拍照“景點”
Fun & 前/現任CR總經理、美術部話事人、公關揸旗人、營業保大粒人等等
Fun & PR
聖祖舊生聯盟
Fun & 二台人

10.26.2009

Fun生日之七國咁亂

真是七國咁亂架..
有人喊到fat fat聲.. 應該係開心得滯..
有人醉到周圍質人食蛋糕.. 受害者超過10個..
有人飲兩杯就將自己秘密四圍講.. 但其實好多人知架啦..
有人飲到暈咗喺洗手間.. 真係暈到無知覺嗰隻..
有人驚到即刻call咗白車.. 但係上嚟check嘅係差人喎..

係咪超亂先?
不過亂得嚟大家都玩得好開心,
咁我作為主人家都真係安樂晒!
仲有一句係真心講嘅..
雖然我仲未搵到一個愛我嘅人,
但有咁多錫到我燶嘅朋友陪我盡慶,
做人又何必要求咁多呢又?

生日派對有主題架.. FUNNY & HILARIOUS SPECTACLE!!我對閃鑽小鹿班比太陽花眼鏡係咪好得先?
右 - BC嘅幻彩青鋒俠眼鏡
呢啲帶近視眼鏡嚟嘅其實要摑啦
嗱.. 呢啲就差唔多
派對開始咗無耐大家嘅情緒已經好高漲
右 - JK呢對高貴貓女郎眼鏡好ok
右 - AC對菠蘿鏡唔係佢架下
KY對超巨型芭比粉紅眼鏡,深得場內人士贊賞
呢幅相好粉.. 紅呀
Fun & Florence
左起 - AK/MM/RC/PL/Fun
黑女黨
我都換吓眼鏡先
飲!!!!!!!!!
飲醉酒質人食蛋糕事件開始..
死質..
再質..
睇嚟我要出手啦.. AC,你咪搞事,飲罷啦~ 左起 - RY/FL/AL/SC/Fun
本來我話大家飲多杯ok架啦,唔駛切蛋糕啦,但最後都有神秘蛋糕 (購自HK Football Club)
切蛋糕前,耍套劍先
許願時間
全晚高潮.. 登登登登.. 唔係講笑,我真係收到一對Manolo做生日禮物!我諗當時我嘅尖叫聲應該連對面嘅大廈都聽到!
嘩.. shocking pink添架.. My frds do really hear what my heart says~ 大感動!
啲賓客幾戥我高興
真係無心插柳,襯色襯到呢..

10.22.2009

速報!澳門小姐09延續篇partI

近兩日不斷看回決賽及決賽前夕的照片,
數以百計,看到眼花,
在眾多照片中我最喜歡以下兩張~

歷史一刻,由在下公佈及頒發友誼小姐給李雪娜!
看到這張照片,我真是有哭的衝動!Florence無論在各方面都實在進步了很多,她在照片中成功示範甚麼是冠軍風範.. 這一年不枉我倆日練夜練catwalk擺pose呀~ 祝前途一片大光明!

10.21.2009

回憶總是Fun的 (生活篇 - 我的o靚模生涯)

大學畢業後加入電台工作,
開始用把聲同支筆搵食,
雖然小時候有發過明星夢,
但從來不認為自己可以賣樣!
不過.. 我人生裡也盲中中靠個樣賺$$兩次..

96年 - 那個時候加拿大正掀起長途電話費大戰,尤其是華人社區間更為激烈。王維基主理的“城市電訊”就在那時起家,他創出的“回撥”模式令長途電話費變得勁平,打返香港只需幾毫加紙一分鐘,實在把主流電話公司打得落花流水。這個宣傳campaign就是來自加拿大最大電話公司Sprint Canada,主要是sell親情,電話費咁平,阿仔日日打返屋企都得啦~ 相架入面的3個人supposingly是我的阿爸、阿媽同家姐,他們3個真是一家人來架,攝我落去其實好假,擺明唔識咁款.. 話時話,我當時肥成咁都可以做talent,真是..
01年 - 朋友的朋友做廣告公司,阿客無乜budget搵好的talent,所以介紹了我這些貨色給廣告公司,試過幾個表情之後竟然覺得我ok~ 這個campaign是一部新型號的palm,相片是用來做leaflet及一個人咁高的紙版公仔.. 我當時曾經在電腦商場見到自己,好x驚!這幅是正式拍攝前試表情的polaroid,依我記得,最後出街的那個衰樣跟這個是差不多的!整個photo shooting大概4個鐘,那樣就有近5位數字入袋,你話喇,靚啲都去做o靚模啦

10.20.2009

一味要胸

澳姐選舉轉眼又告一段落,
時間真是過得飛咁快!
選舉雖然完結,但還未可閒下來,
因為還要籌備一些贊助商及政府活動,
緊接又要為冠軍準備出戰國際小姐事宜,
看來要到11月中才可真正休息!

在整個project中我學到了很多,
實在是大開眼花花世界!
其中如何面對香港傳媒就已經教我上了一大課!
接觸過後,你會驚嘆他們的“作文”技巧,
文字藝術的“造詣”及待人接物的“禮貌”態度。
一字記之曰:唉..
除了胸部,他們還有甚麼concern的呢?


10.18.2009

速報!澳門小姐09 (結果公佈)

終於到了決賽日,
10位佳麗身心雖疲,
但意志卻保持在高點,
因各人都知道,決定盡在今天!

下午兩點,各位佳麗以自選服及泳裝會見7位評判,
包括:鄭嘉穎、廖碧兒、譚筠怡、
梁安琪及張茜(86年澳姐冠軍) 等等。
跟港姐一樣,會見評判的環節是非常重要,
因為評判除會重看前夜的總綵排錄影今片段外,
更會逐一面對面會談。
若佳麗能在短短10數分鐘內的對答中impress評判,
基本上那頂后冠可以說是十拿九穩,
相信當年張嘉兒能脫穎而出就是這個原因。

經過一個月的相處,
其實早已心裡有數那幾位佳麗可贏得評判歡心,
結果.. 跟預測很接近呢!

630pm - 紅地氈準備就緒
700pm - 準備帶領去年4位澳姐行紅地氈;Fun&伍家怡
715pm - 出場前跟佳麗打打氣
725pm - 臨開場前跟港姐及華姐拍一張先.. 後排左起:袁家敏/Fun/黃嘉麗/李碧琪(Dolce Vita主持);前排左起:李姿敏/劉倩婷/朱旋/苟雲慧
725pm - 關安娜與評判之一梁安琪
920pm - 經過兩小時角逐,是頒獎時候了!相片中關安娜準備頒發時尚秀髮魅力大獎
930pm - 澳門小姐2009終於誕生:冠軍 - 由賽前黑馬,現年21歲就讀澳門大學3年級的10號李若瀅奪得后冠,她同時獲得最上鏡小姐。李若瀅將代表澳門到成都參加國際小姐及明年到香港參加國際中華小姐;亞軍 - 賽前大熱之一8號李雪娜除先拔頭籌榮獲友誼小姐之外,在決賽中再下一城。李雪娜芳齡22歲,是土生土長的金髮藍眼美女,現時是一位模特兒,她將於明年到鄭州參加國際旅遊小姐。季軍是另一熱門1號黃斯敏,是一位大學生,現年21歲,她亦囊括了時尚秀髮魅力大獎
940pm - 關安娜及呂蓉茵與師姐張茜合照。張茜是第一位代表澳門參加世界小姐的澳姐,而那一年(86年)的外景更選址澳門,所以她也算是半個主人家。當年她的表現絕對不失禮,以一分之微輸掉了亞洲皇后給菲律賓小姐。現時她擁有自己的公關公司
945pm -關安娜及呂蓉茵與譚筠怡合照
1015pm - 到達慶功現場,3位佳麗輪流接受主辦大會及贊助商頒發獎品
1030pm - 08及09年澳姐合照
11pm - 李若瀅/Fun/呂蓉茵
1115pm - 6號楊雯是我看好的佳麗,可惜6強不入
1130pm - 呂蓉茵在任期內的表現實在令人滿意,為復辦後的澳門小姐寫上華麗新一頁,昨晚絕對是光榮引退
12am - 慶功上各人都狂影相,盡希望把美好回憶留住!很捨不得這班女孩子,我真的當她們“女”一般看待架.. 各位,後會有期,江湖再見!